مثلثات السمبوسك المحشية بالجبنة

 مثلثات السمبوسك المحشية بالجبنة

قدمى ألذ سمبوسك من صنع ايديكى بطريقة سهلة وطعم يجنن,,,ممكن تقدميها على العشاء مع البيتزا أو كنوع من المقبلات مع أكلاتك المشوية,,, طعم خطييير جدااا

المقادير:
باكيت شرائح سمبوسك
¼ كيلو جبنة (أي نوع تفضّليه)
¼ كيلو زيتون أخضر شرائح
¼ كوب بصل أخضر مفروم
ملعقة كبيرة كزبرة مفرومة
ملعقة كبيرة بقدونس مفروم
ملعقة صغيرة كمون مطحون
4 ثمرات جزر مبشور

طريقة التحضير:
1- اهرسي الجبنة بالشوكة كويس، واخلطيها مع الخضار اللي عندك.

2- احشي السمبوسك بالخليط ده، ولفّيها على شكل مثلثات.

3- بعد كده ممكن تقلي السمبوسك في زيت غزير، أو تدخّليها الفرن في صينية، وتدهني السمبوسك من فوق بشوية زيت، وبعد كده حطّيها في طبق التقديم..

وبالصحة والهنا…