شوربة الخضراوات بطريقة جديدة وشهية

طبق الشوربة من الأطباق المهمة جدا على سفرتنا ويجب عدم اهمالها فان الشوربة لها فوائد كثيرة جدااا , هنعمل النهاردة شوربة الخضراوات بطريقة شهية ومختلفة … أتمنى تجربوها وتستمتعوا معى بأحلى وأجمل طبق لشوربة الخضراوات.

حصريا في وصفات أكل عربية

شوربة الخضراوات بطريقة جديدة وشهية

المقادير:

3 كوب شوربة لحمة (أو شوربة خضار أو ميه)
2 ثمرة جزر كبيرة مقطعة مكعبات صغيرة
ثمرة كوسة مقطعة مكعبات صغيرة
كوب كرنب مقطع شرائح صغيرة
½ كوب فاصوليا خضراء مقطّعة
جزرة مقطّعة مكعبات صغيرة
ملعقة كبيرة زيت زيتون
2 فص ثوم مفروم
½ بصلة مفرومة
ملح وفلفل أسود
ريحان وزعتر

طريقة التحضير:

1- شوّحى الجزر والبصل والثوم في الزيت على النار، وبعدين ضيفي الفاصوليا والكوسة والكرنب، وقلّبيهم مع بعض على النار.

2- بعد كده ضيفي عليهم الريحان والزعتر والملح والفلفل الأسود وقلّبيهم كويس مع بعض، لحد ما الخضار يدبل شوية، وبعد كده حطّي عليهم الشوربة وسيبيهم على النار لمدة 15 دقيقة، وقدّميهم.
وبالصحة والهنا…

• لمزيد من الوصفات تابعي قناة وصفات أكل عربية على يوتيوب