ساندويتش كودو الدجاج بالكاتشاب والمايونيز

 هنعمل النهاردة وجبة الدجاج اللى بتحبيها وبتاكليها دايما من الدليفرى النهاردة هتعمليها فى البيت من صنع ايديكى تعالى نشوف وصفتنا الجميلة فالتغيير دايما مطلوب خاصة فى فصل الصيف كلنا بنحب نتناول الوجبات السريعة ومش بنحب نقف كتير فى المطبخ وصفتنا ولا أسهل منها تعالى يلا نجرب نعمل ساندويتش كودو الدجاج بالكاتشاب والمايونيز مش هتاخد مننا وقت ولا مجهود 

المقادير:
دجاج فيليه
عدد 2 ملعقه كبيره كاتشاب
و2 ملعقه كبيره صلصة صويا
ملعقه كبيره مسترده
و2 ملعقه كبيره مايونيز
و2 ملعقه صغيره ثوم بودره
ملعقه صغيره بابريكا
ملعقه صغيره بصل مجفف
ملعقه صغيره اوريجانو
ملعقه صغيره كزبره ناعمه
ملعقه صغيره كمون
و2 ملعقه صغيره ملح
و3 ملعقه كبيره زيت
حبه كبيره بصل اخضر شرائح
حبه متوسطه فلفل اخضر شرائح
حبه متوسطه فلفل اخضر حار مفروم
و6 رغيف خبز كودو
حبه كبيره طماطم شرائح
و1/2 راس خس مفروم
و2 حبه متوسطه مخلل خيار شرائح

طريقة التحضير:

باستعمال سكين حادة قطعي فيليه الدجاج الى شرائح رقيقة
ضعيها في طبق جانبي

*التتبيلة : في طبق زجاجي عميق
ضعي الكاتشاب وصلصة الصويا والمستردة والمايونيز والبابريكا والثوم البودرة والبصل المجفف والأوريجانو والكزبرة والكمون والملح والفلفل
قلّبي بالملعقة لتحصلي على صلصة متجانسة
اضيفي قطع الدجاج
قلبي الى ان تتغطى بالصلصة تماما
اتركيها بضع دقائق
في مقلاة واسعة سخني ملعقة كبيرة من الزيت
ضعي قطع الدجاج مع خليط التتبيلة
وقلبي على نار قوية 7-8 دقائق الى ان يجف ماء الدجاج وينضج جيدا

*خليط البصل : في تلك الأثناء في مقلاة اخرى سخني بقية الزيت على نار قوية
أضيفي شرائح البصل والثوم
قلبي لمدة دقيقة فقط ليبقى البصل مقرمشا
اضيفي الفلفل وقلبي لمدة دقيقة فقط ليبقى الفلفل مقرمشا

اضيفي خليط البصل والفلفل الى خليط الدجاج وقلبي لتختلط المواد
احتفظي بالخليط ساخنا
باستعمال سكين منشارية إعملي شق في رغيف الكودو
أو إقطعي الرغيف إلى نصفين طوليا
وزعي فيه قليل من المايونيز والكاتشاب

ضعي شرائح من الطماطم
شرائح من مخلل الخيار
قليل من الخس
وكمية وفيرة من الدجاج
قدمي مباشرة
وبالصحة والهنا,,,