التوست المحمر بالجبن والزعتر

التوست المحمر بالجبن والزعتر

فى أوقات كثيرة نفضل تناول الوجبات الخفيفة التى تشعرنا بالشبع وفى نفس الوقت تكون خفيفة وتساعد على نشاطنا وحيويتنا…

وصفتنا مناسبة للتقديم  فى الإفطار أو العشاء ويمكنك عملها كوجبة سريعة لأبنائك قبل ذهابهم للنادى أو بعد عودتهم من المدرسة

المقادير:

½ كيلو جبنة أي نوع موجود عندك مقطّعة شرائح
2 ثمرة طماطم مقطعة شرائح متوسطة الحجم
ملعقة كبيرة ريحان مجفف اختياري (هتلاقيه عند العطار)
توست (موجود في السوبر ماركت)
زعتر (هتلاقيه عند العطار)
½ كوب زبدة
ملح وفلفل أسود

طريقة التحضير:
1- حطّي على كل شريحة توست شريحة جبنة وعليها شريحة طماطم، وبعد كده حطّي الزعتر ورشّي على الوش شوية ملح وفلفل أسود وريحان، وبعد كده حطّي شريحة توست تانية، واضغطي عليها بإيدك كويس.

2- ادهني كل جانب من جوانب التوست بملعقة صغيرة زبدة.

3- سيّحي الكمية المتبقّية من الزبدة في طاسة تيفال، وحمّري التوست لغاية لونه ما يبقى دهبي، وبعد كده حطّيه في أطباق التقديم..

وبالصحة والهنا,,,