كريب الفراولة والشيكولاة بطريقة سهلة جدا

بتحبوا الكريب ؟ طيب ايه رأيكوا لو نعمله بطريقة سريعة وسهلة جدااا , استعدى لعمل أحلى كريب مفيش اسهل منه ويعتبر نوع من التغيير فى الحلويات اللى اتعودتى تقدميها لأولادك , يلا بسرعة خليكى اشطر ست بيت وقدميها النهاردة .

المقادير:

1 كوب دقيق
1 2/1 لبن ( حليب )
2 بيضه
رشة ملح

طريقة التحضير:

نضع المقادير كلها مع بعض ونقلبهم كويس جداً .

نضعهم في الثلاجه لمده 2/1 ساعه .

نسخن طاسه اووووي .

نضع فيها فتفوتة سمن .

نضع ( كبشة ) من الخليط في الطاسه

وتحركي ايدك حركه دائرية وانتي ماسكه الطاسه علشان تبقي بشكل دائرى

ثواني وهتلاقيها احمرت اقلبيها علي الوش الثاني ( بس بحرص عشان ما تتقطعش )

ولمدة ثواني كمان وشليها من الطاسه وحطيها في طبق عشان تبرد وكملي باقي المقدار ( المقدار تقريباً بيعمل من 6 : 7 وحدات في الطاسه الكبيرة )

نفرد واحدة كريب في الطبق

قومى بحشيها بشرائح الفراولة والشيكولاة

ونطبق الكريب بالشكل التالي الموضح بالصورة

وزينيها بالشيكولاة وقطع من الفراولة

وبالصحة والهنا…