مندى الدجاج بالأرز والزعفران

كتير مننا عاوز يعمل طريقة المندى وبيقلق من صعوبته,النهاردة هنعملها مع بعض بطريقة كتير سهلة…يلا قدمى طبق مختلف عن أطباقك اللى اتعودتى عليها وتعالى شوفى الجمال

المقادير:
2 كوب أرز بسمتي
دجاجة منزوعة الجلد ومقطّعة
2 ثمرة بصل مقطّعة شرائح
½ ملعقة صغيره فلفل أحمر (بابريكا)
ملعقة صغيرة قرفة مطحونة
2 ملعقة كبيرة ثوم مفروم
½ كوب عصير ليمون
ملعقة صغيرة بهارات
ملعقة صغيرة زعفران
5 حبات حبهان
ملعقة كبيرة سمنة
ملح وفلفل أسود
5 عود قرنفل
2 كوب ماء

مندى الدجاج بالأرز والزعفران
مندى الدجاج بالأرز والزعفران

طريقة التحضير:
1- اغسلي الدجاج كويس، وتبّليها بالملح والفلفل والبابريكا والثوم وعصير الليمون، وسيبيها في التتبيلة دي لمدة نصف ساعة، واغسلي الأرز وانقعيه في المية لمدة 10 دقائق وسيبيه يتصفّى.

2- شوّحي شرائح البصل في السمنة لغاية ما يبقى لونها دهبي، وبعد كده ضيفي عليه الأرز، وقلّبيهم مع بعض على نار متوسطة لمدة 5 دقائق.

3- حطّي خليط البصل والأرز في صينية الفرن، وضيفي عليهم المية وتبّليه بالملح على حسب الطعم اللي إنتي عايزاه، وضيفي معاهم الحبهان والقرفة والقرنفل والزعفران.

4- غطّي الصينية بطبقة من ورق الفويل، واعملي فيه أكتر من فتحة بالسكينة، وبعد كده حطّي قطع الدجاج على الفتحات دي، وغطّي الدجاج كويس بطبقة تانية من ورق الفويل.

5- دخّلي الصينية في فرن ساخن على درجة حرارة متوسطة، وسيبيها لمدة ساعة ونصف أو لغاية ما الأرز والدجاج يستووا، وبعد كده طلّعيها واغرفيهم في طبق التقديم.. وبالهنا والشفا.
وبالصحة والهنا…

قيّم هذه الوصفة

عن همس

همس محررة موقع وصفات اكل عربية ، متخصصة في الكتابة عن جديد الوصفات الشرقية والغربية ، يمكنك زيارة صفحتها على الفيس بوك تحت اسم "همس فاشون"

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *