كبيبة السمك بالحشوة المميزة

 

كبيبة السمك بالحشوة المميزة

طبعا أكلات السمك لا يختلف عليها اثنين,وفى أغلب أيام الأسبوع نتناولها ونبحث دائما عن وصفات مختلفة وشهية للتجديد فى أطباق السمك, هنقدم النهاردة مع بعض كبيبة السمك,تحفة مش هتقدرى تقاوميها,,, جربيها بسرعة فهى خفيفة وقمة فى الجمال

 

المقادير:
1/ 2 كيلو سمك فيليه
1/ 2 كيلو برغل منقوع
بصلة كبيرة مفرومة
ملعقة صغيرة قرفة
2 ملعقة كبيرة زيت زيتون
3 ملاعق كبيرة بقدونس مفروم
1/ 2 ملعقة صغيرة جوزة الطيب
ملح وفلفل

 

كبيبة السمك بالحشوة المميزة
كبيبة السمك بالحشوة المميزة

طريقة التحضير:
– افرمي السمك في المفرمة، وبعدين ضيفي عليه البرغل بعد ما تصفّيه، وتبّليهم بالملح والفلفل وجوزة الطيب، وبعدين افرميهم مرة كمان لحد ما يبقى الخليط ناعم.

 

*الحشو:
شوّحي البصل في الزيت لمدة 3 دقائق لحد ما يدبل، وتبّليه بالملح والفلفل والقرفة، وبعدين حطّي البقدونس، وقلّبيهم على النار لمدة 5 دقائق، وبعد كده ارفعيه من على النار، وسيبيه على جنب لحد ما يبرد.

– ابدئي شكّلي السمك كرات صغيرة على شكل بيضة، وبعدين اعملي فجوة في النصف، واحشيها بكمية صغيرة من الحشو، وبعدين اقفليها كويس.

– بعد ما تخلصي كل الكمية اللي عندك، اقليها في زيت غزير لحد ما يبقى لونها دهبي، وبعدين صفّيها كويس، وممكن تقدّميها باردة أو سخنة وتزيّنيها زي ما تحبي،
وبالصحة والهنا,,,

 

إقتراح التقديم:

تعالى مع بعض نقدم وصفتنا الجميلة مع الأرز بالجمبرى وبلح البحر

قيّم هذه الوصفة

عن همس

همس محررة موقع وصفات اكل عربية ، متخصصة في الكتابة عن جديد الوصفات الشرقية والغربية ، يمكنك زيارة صفحتها على الفيس بوك تحت اسم "همس فاشون"

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *