وصفات أكل عربيه اكلات سريعة وشهيه لكي ولأسرتك
السوبيا المززة طبق مصرى لذيذ جدا كتييير مننا بيحبه , هنقدمه بطريقة سهلة التحضير ورائعة، لكل اللى بيحبوا الطبق ده يتفضلوا بسرعة.. مستعدين؟ يلا تعالوا واللى مجربتهاش قبل كده تعالى جربيها وقولى رأيك فيها …
المقادير
كيلو أرز
نصف كيلو لبن
2 كوب زبادي كبير
ملح ليمون (هتلاقيه عند العطار)
سكر
طريقة التحضير:
1- هاتي الأرز واغسليه كويس جداً، وحطيه في حلة على النار، وحطي عليه كمية من الميه؛ بحيث تغطي الأرز بالكامل، وسيبيه لغاية ما يتسلق مع مراعاة إن الأرز ما يشربش الميه كلها؛ يعني لو حسيتي إنه محتاج ميه ممكن تزوّدي له.
2- اخلطي الأرز المسلوق في الخلاط شوية شوية، وبعد ما تحسي إن الأرز كله بقى ناعم ومتجانس زي المهلبية ضيفي عليه اللبن والزبادي وملح الليمون والسكر واخلطيهم مع بعض كويس جداً.
3- بعد ما المكونات كلها تختلط ببعض، صبيها في أطباق التقديم وحطيها في الثلاجة، وعند التقديم ممكن تزينيها بالقرفة.
ملحوظة: كمية ملح الليمون والسكر بتتحدد على حسب درجة المزازة اللي إنتي عايزاها، ولو عايزة تعملي السوبيا الحلوة فكل اللي عليكي إنك تلغي ملح الليمون من المكونات.
